கடந்த வாரம் இந்திய நாடாளுமன்றத்தில் நிறைவேற்றப்பட்ட Online Gaming தடுப்பு மற்றும் கட்டுப்பாட்டு சட்டம் 2025 காரணமாக, இந்திய கிரிக்கெட் பொருளாதாரம் பெரும் அதிர்ச்சியை சந்தித்துள்ளது. இதன் விளைவாக, BCCI மட்டுமின்றி பல முன்னணி கிரிக்கெட் வீரர்களின் வருமானமும் குறைய வாய்ப்பு உள்ளது.
BCCIக்கு ஸ்பான்சர் இழப்பு
இந்திய அணியின் பிரதான ஜெர்சி ஸ்பான்சராக இருந்த Dream11 உடன் ரூ.358 கோடி மதிப்புள்ள மூன்று ஆண்டு ஒப்பந்தம் இருந்தது. ஆனால், புதிய சட்டம் காரணமாக இந்த ஒப்பந்தம் ரத்து செய்யப்பட்டுள்ளது.
இதனால், 2025 ஆசியக் கோப்பையில் இந்திய அணி ஸ்பான்சர் இல்லாமல் அல்லது புதிய ஸ்பான்சருடன் மட்டுமே ஆட வேண்டிய நிலை உருவாகியுள்ளது.
அதேபோல, IPL லீக்கில் My11 Circle உடன் இருந்த ரூ.125 கோடி மதிப்புள்ள ஒப்பந்தமும் ஆபத்தில் உள்ளது.
வீரர்களின் தனிப்பட்ட வருமானத்தில் பாதிப்பு
Cricbuzz வெளியிட்ட தகவலின்படி, இந்திய கிரிக்கெட் வீரர்கள் மொத்தத்தில் ரூ.150–200 கோடி வரையிலான இழப்பை சந்திக்கக்கூடும்.
விராட் கோலி – Mobile Premier League (MPL) ஒப்பந்தம் ரூ.10–12 கோடி மதிப்பில்
ரோஹித் சர்மா – Dream11 உடன் ரூ.6–7 கோடி மதிப்பில்
எம்.எஸ். தோனி – Winzo உடன் ரூ.6–7 கோடி மதிப்பில்
மேலும், ஜஸ்பிரித் பும்ரா, ஹார்திக் பாண்ட்யா, கே.எல். ராகுல், ரிஷப் பந்த், சுப்மன் கில், யஷஸ்வி ஜெயசுவால் உள்ளிட்ட பலரும் real money gaming நிறுவனங்களுடன் ஒப்பந்தத்தில் இருந்துள்ளனர்.
அதே சமயம், சில வீரர்களுக்கு இந்த ஒப்பந்தங்கள் 5–10% வருமானமாக இருந்தாலும், மொஹம்மது சிராஜ் போன்றவர்களுக்கு இது 50–100% வரையிலும் இருந்ததாகத் தகவல் வெளியாகியுள்ளது.
சொல்லப்போனால், புதிய சட்டம் இந்திய கிரிக்கெட் உலகையே நிதி ரீதியாக பெரிய அளவில் பாதித்துள்ளது.
(Tamil Craze)
